شرح |طريقة تنزيل روم رسمى لاى هاتف سامسونج ببرنامج الاودين

ناس كتير لسه جديده فى موضوع الاندرويد و نفسها تعرف يعنى ايه نزل سوفت بالاودين 

الروم هى ملفات السوفت وير 

و الروم بتختلف من جهاز لجهاز حتى لو فرق حرف واحد او رقم 

يعنى مثلا روم S6500 عمرها ما تنفع تتحط لـ S6500D ولا العكس 

و ممكن تسبب مشاكل فى الجهاز 

علشان كده اهم حاجه لازم تاخد بالك منها و انت بتنزل السوفت هى موديل الجهاز 

ثانيا بلد او منشأ الروم دية لان كل دولة ليها روم خاص بيها بيدعم اللغة بتعتها 

يعنى مثلا الدول العربية هتلاقى فيها اللغة العربى انما الاوروبى لا 

ممكن فى الاوروبى تلاقى كتابه و قرائه عربى انما مش دعم كامل فى القوائم 

يبق اهم حاجه و انت بتحمل الروم 

1- رقم الموديل 

2- بلد المنشأ 

3- شحن الجهاز ميكونش اقل من 80%

4-كابل USB أصلى

نبدأ و نقول "بسم الله الرحمن الرحيم"

هنطبق الموضوع انهرده على تليفون 

"Samsung Galaxy Ace S5830i"

الطريقة و الخطوات نفسها على اى هاتف سامسونج اخر 

انا او المنتدى مش مسؤولين عن اى خطأ يحصل من تحميل روم خطأ او التنزيل بطريقة خطأ 

الخطوات تم التأكد منها 100% ولا يوجد بها اى خطأ نهائى 

((1)) 

هنحمل الروم من على النت او من موقع "sammobile"

هتبق مضغوطه نفك الضغط هيطلعلك الروم ملف واحد زى الصوره 

((2))

هنفتح برنامج الـOdin

"تقدر تحمله من هنا "

ملحوظه كل جهاز و له إصدا اودين خاص بيه هتلاقى جميع اصدارات برنامج الاودين هنا 

http://adf.ly/k7SGz

((3))

اما تفتح الـOdin هتحط ملف الروم فى خانة "PDA" 

و تسيب العلامة على Auto Reboot و F.Reset Time زى الصوره بالظبط

و متعلمش على اى حاجه تانيه خالص 

((4))

نروح للموبيل و ندخل الموبيل على وضع الـDownload Mode

بتدوس على "خفض الصوت+البور+الهوم" 

ممكن يظهرلك تحذير هتدوس سهم لفوق "رفع الصوت" و هتبق زى الصوره دية بالظبط 

((5))

كده تمام و زى الفل هنوصل التليفون بالكمبيوتر و انت مجهز الاودين طبعا 

"ملحوظه:لازم جهازك يكون اساسا متعرف على الكمبيوتر عندك" 

بعد التوصيل بالكمبيوتر عن طريق الـUSB الاودين هيتعرف على جهازك بالشكل ده 

((6))

هندوس على Start فى الاودين و هيبدأ التنزيل بشكل تام 

"يريت اما يبدأ تحط الموبيل على المكتب جنبك علشان ميتحركش و يفصل الكابل"

و متطفيش الجهاز او تقفل الاودين طول ما هو شغال 

و دى صوره للاودين و هو بينزل الروم على الموبيل 

((7))

كده تمام السوفت نزل على جهازك و دية صورت الاودين بعد الإنتهاء 

و بكده تقدر تفصل موبيلك و مبروك عليك السوفت الجديد 

.::ملحوظه::.

فى اول فتحه فى السوفت الجديد هتلاقى الجهاز بيغيب و بيحمل ملفات

ده طبيعى و تسيبه لغاية ما يخلص تحميل علشان لسه بيعرف البرامج و الملفات الجديده